張寶兒回應與袁偉豪結婚傳聞：「暫時未有計劃」

張寶兒 (Bowie) 張寶欣 (Boanne) 兩姊妹今日首次以姊妹檔身份出席珠寶店活動。兩人平日都有買首飾襯衫的習慣，而且喜歡較簡潔的設計。Boanne指有收過異性朋友送的飾物，「不過我適當時候會拒絕，其實我覺得女仔有能力買首飾比自己係一件好幸福嘅事。」另外Bowie則表示有收過袁偉豪 (Ben) 送的耳環。外界有傳明年Bowie會和Ben結婚，但Bowie則表示尚未有計劃：「因為我近排工作好忙，所以真係無時間諗 (結婚)。」

Ben今年有出書，作為女友的Bowie當然有支持：「我覺得成本書俾我嘅感覺就好似同我溝通咁，佢揀啲相都係近呢兩三年嘅，再配上啲短句，好似同讀者對話咁，並唔係單純一本寫真。」Boanne也附和說本書就像一段心路歷程，「若干年後再睇返，會諗返起啲好好嘅memories。」