【動漫節2018】林泳淘Cosplay要經檢閱　男友第一眼見到咩反應？

動漫電玩節2018今年有一班TVB藝員擔任大使「Godlike Girls」，昨日（29日）林泳淘出席Cosplayer大賽頒獎嘉賓時，接受《香港01》訪問：「我以前成日都望到啲cosplayer，佢哋真係好靚，超級鍾意吖。今年終於有機會着Cosplay衫，但係cos完之後發覺係超級辛苦，因為所有頭髮衫同埋道具都好重，所以玩咗幾粒鐘之後係攰到崩潰。」林泳淘也表示，希望下次cos的會是男角，例如《東京喰種》的「金木研」，道具沒這麼多又比較輕鬆。」

被問到男友有否親眼看過自己着cosplay時，林泳淘說：「我套cos返咗之後，我已經喺屋企着俾佢睇。（佢有咩評語？）唔記得咗啦喎，哈哈哈，我哋呢啲老夫老妻。（反應？）佢應該係屬於外表好平靜，內心好激動嗰種。佢係：『哦，唔...轉個圈嚟睇下。唔...冇走光，好好。』（之後會着多啲俾佢睇？）我唔知吖，你問佢啦，哈哈，不過我哋成班Godlike Girls約咗萬聖節一齊着cosplay 去蘭桂坊玩。」