【奪命証人】劉嘉玲自稱業餘角色難演勁折磨　梁朝偉低調撐場

由劉嘉玲、謝君豪以及秦沛等主演的舞台劇《奪命証人》周六（28/7）晚於灣仔演藝學院首演，台下反應非常熱烈，令謝君豪都不禁大讚：「好多謝台下觀眾咁支持，咁台下觀眾反應好，台上嘅我哋就更High啦！大家都合作得好順，力量好充夠。」三位主角更即時宣布再加演兩場，總共17場。

雖然觀眾反應熱烈，但劉嘉玲認為演舞台劇是一種折磨，因為她的角色太過難演了：「可能豪哥比較專業，因為我都係業餘，要進入呢個舞台點都有段距離，我要行近個距離，同埋呢個角色係特別難做，好多層次，好多心情喺度，所以變咗好緊張。」

梁朝偉：個個角色都想做！

其實梁朝偉昨晚亦有親身到場支持老婆，但採訪期間發生一段小插曲，當主辦單位在完場後安排傳媒採訪，主持李浩林原本說梁朝偉會來到台前，一同與三位主角及其他嘉賓舉杯慶祝，惟梁朝偉久久沒有現身，最終請了大家「食檸檬」，事後嘉玲姐覆述偉仔在後台發表的觀後感：「佢頭先喺後台都好興奮，佢話除咗你（劉嘉玲）個角色，我個個角色都想做！」

自從偉仔離開澤東後，一直都行事低調，亦無任何消息透露過他的工作去向，連身為其經理人的嘉玲姐都大嘆「冇佢符」：「佢有排放假，好鬼懶架佢，好佢好Enjoy life! 我Enjoy就去做嘢，去探索呢個世界，佢就休息。不過我都非常尊重佢。」

而第一次參演舞台劇的秦沛對於自己的處男作亦感到非常滿意，惟感覺真的很累：「真係好攰，但真係好開心！不過排咗兩個月，終於都踏上舞台同大家見面，反應亦都好熱烈。」

其實除了偉仔之外，昨晚還有很多座上客，當中包括有蔡一智、蔡一傑、潘燦良、蘇絲黃以及樂易玲、湯怡、李蕙敏等等。