Mr.樂隊成員布志綸作單飛發展：用返自己演繹方式好舒服

一眾實力唱作音樂人，布志綸@Mr.、鄧小巧、Robynn & Kendy、陳奐仁 、蘇打綠團長阿福、傅珮嘉等人今日（28）齊集尖沙咀出席《Gimme Live》音樂節。Mr.樂隊前主音歌手布志綸，近來作個人發展，會唔會唔慣？「其實單飛有單飛嘅角色，樂隊有樂隊嘅角色，都實兩樣嘢都會進行，Mr.最近會發佈新歌，咁所以我唔會話慣唔慣呀，嚟緊Mr.下年會有一個大型嘅十周年演唱會，都如火如荼，做緊一啲新歌，希望今年會有Mr.一首新歌發佈嘅，我自己嘅嘢就做自己嘢啦，Mr.嘅嘢希望大家拭目以待。」

布志綸從前去到邊，都會有四個兄弟在身邊，單飛之後會唔會好掛住一班兄弟？「我分得好清楚，我做我自己音樂嘅時候，我會好享受，因為我會用番自己嘅演繹，係唔同風格嘅嘢我會好舒服，其實唔慣嘅時候已經過咗，我幾享受依家有兩個身分。」