【動漫節2018】林泳淘宅得嚟帶點腐　初試Cosplay化身大喬周圍飛

動漫節2018今日（27日）正式開始，而林泳淘亦已經是第三次化身動漫大使親臨會場，她謂：「我真係年年動漫展都會嚟，因為我已經第三年做動漫大使啦！不過自己都做得開心，其實我由細到大都好沉迷漫畫呢樣嘢，讀書嗰時成日會嚟買漫畫，例如《去吧！稻中乒團》、《One Piece》 、《HUNTER×HUNTER》、《火影忍者》都係我鍾意嘅漫畫。」對於「腐」題材的漫畫（多指主題為男男相戀的女性向漫畫），泳淘坦言會看：「有時都會睇少少，但未鍾意到要去特登畀錢買。」

除了看漫畫，泳淘也是打機一族，她笑言：「我都鍾意打機嘅，不過唔係返學嗰時而只係暑假嗰陣，單係暑假已經夠晒癲，我真係會打機打到唔食嘢，搞到開學一返到學校個個同學都驚訝點解我會瘦咗咁多。」泳淘更揚言會在今年獻上自己的第一次Cosplay：「之前嘅Cosplay都係公司廣告上或者拍劇嘅要求，今次係我第一次私底下同朋友一齊玩，我會Cos《王者榮耀》嘅大喬，大家快啲嚟捉我啦！」