【動漫節2018．多圖】港台大戰撐邊組？　一文睇晒12位Game Girls

「香港動漫節電玩節2018」於今天（27日）開幕，場內除了有漫畫書、動漫Figure、遊戲機及遊戲、Marvel Figure等之外，當然就不少得有大量的Game Girls在現場陪各位巴打玩遊戲過一個開心假日，而今年PlayStation攤位PS Girls的「隊服」與往年一樣，由香港時裝設計師簡幗儀（Lilian Kan）設計。

Lilian Kan接受《香港01》訪問時解釋今年PS Girls服裝的概念：「其實每年都冇特別主題，不過就都係啱返PlayStation形象，同埋要凸顯出Game Girls美好嘅身形同埋氣質。因為Game Girls佢哋都係活潑又性感，我設計衫嗰時係想突顯呢幾樣嘢。除咗PS嘅藍白色之外，今年仲玩多『條線』，你會見到裙擺有一條條線好似箭嘴咁，然後上身吊帶都會多咗啲線條，條頸都會有個蝴蝶結，就會加埋少少Girlish感覺。」

12位Game Girls著咗Lilian Kan設計的服飾會係點呢？即click以下圖輯就可以睇喇！

今年的PS Girls依舊由6位台灣「過江龍」以及6位「本地薑」Game Girls組成，其中來自台灣的陳葳及憑果茱兩位也在去年動漫節亮相，而香港代表亦有Amber Chan、Yanyan、黃樂樂等網民的最愛。不過，上年的集郵焦點Rose Ma（馬俊怡）就轉到Bandi攤位出現，想繼續搵Rose Ma集郵的巴打就要行多兩步啦。