【入住請敲門2】曼谷連鎖式酒店好猛 入房敲門都無用
撰文：鄺鈺瑩
出版：更新：
泰國猛鬼酒店真係數極都仲有，今集《入住請敲門2》莫竣名所入住嘅四星連鎖酒店，鄰近地鐵Skytrain station，由於地段方便加上房價約為4百元（雙人房），所以唔少港人都愛入住。
至於呢間酒店嘅鬼故事，有網民就話喺四樓某一間房，幾乎每個住客都會遇上陪睡女鬼，亦有香港遊客試過深夜抵埗，入房後準備睡覺之際，突然聽到有嘢丟落地下嘅聲音，起初都不以為意，但隨後有感聲音從洗手間傳出，而且每隔五分鐘定時傳出一次，似乎對於房間被侵佔而作出抗議。
最後聲音直到天亮才消失，該名遊客隨後向酒店職員表示，因聽到怪聲並要求換房，神奇是有關職員並未有多加追問，亦不感驚訝，似習以為常地立即安排換房，似乎對怪事已見怪不怪。