【BB來了】阮德鏘停工3個月照顧母女　上網自學幫太太坐月勁專業

《BB來了》引起全港新手父母共鳴，生BB除咗十級痛，亦係媽媽調養身子好時機，傳統智慧話坐月坐得好就如重生一樣，所以唔少人都會請陪月。劇中李佳芯同黎諾懿親自上陪月堂考埋証書，最終都係要請楊卓娜返嚟幫手。阮德鏘（Johnson）剛剛榮升做爸爸，佢仲上網自學幫老婆坐月，成功一星期令太太泵奶爆樽，佢接受香港01訪問時話：「無上堂架，完全靠上網自學﹗」大家要學嘢啦﹗

【BB來了】李佳芯盧宛茵細膩演繹創收視新高　小品劇打出一片天

阮德鏘曾經喺TVB拍過唔少經典劇集，近年就致力推廣粵劇文化，以及於香港電台做主持。今年5月佢宣佈同太太已經註冊兼有喜，Johnson接受訪問時話：「其實有得好突然，當時自己拍緊葉念琛，因為太太同我差12年，我當然想要BB但唔知佢嘅意思，自己都擔心再唔生就會代溝變鴻溝，哈哈哈。」

【BB來了】黎諾懿戲裡戲外都抵讚 絕世好爸爸湊小春雞親力親為

阮太當然都想要BB啦，不過Johnson就話太太出咗個好大嘅難題：「當時太太唯一要求，就係要我停工3個月陪佢，咁我就排走晒所有工作，當時未夠三個月唔可以俾人知，攪到D劇團班主打嚟鬧我，仲問到底要幾多錢照講做咩唔接JOB。」就係咁，佢地一齊為囡囡灰鼠B（乳名）誕生做準備，但係點解會陪產變埋做陪月呢？

【BB來了】黎諾懿聞「媽媽谷」色變 李佳芯即Join真係港媽必入？

其實佢哋都有物色過多位陪月，但最終都係決定Johnson親身上陣：「一知道有咗就已經搵陪月，搵咗幾個最出名專幫豪門嘅當紅陪月，3萬5萬一個月嗰啲，但發覺佢哋係陪人多過陪BB，即係處理長輩同新手父母關係就叻，但我哋問啲湊BB問題，例如洗臍帶點洗，無一個答到，後尾就諗，橫掂我都放3個月假，就決定不如我嚟啦﹗」

男人做陪月好似天荒夜譚，但Johnson實在做得頭頭是道，由只識喺舞台耍劍，到依家包辦老婆坐月一日多餐，兼日日燉靚湯，前後只係用咗一個月時間，簡直係天才呀！「老婆本身識煮嘢食，去咗STUDIO學煮食基本切嘢煲嘢，之後無限訓練。外母國內有農場，留咗一個範圍專養有機雞俾老婆，上次凌晨拎兩隻急凍雞俾我，當時完全唔識斬雞好似考牌一樣。」

【BB來了】李佳芯當面鬧爆奶奶盧宛茵心理變態 連港媽都唔撐？

最令人詫異嘅係，除咗基本飲食，Johnson真係成功幫老婆上奶，順產媽媽最快都48小時先開始上奶，阮太16號生BB，21號已經泵奶泵到爆樽﹗Johnson都有分享有咩上奶湯水：「所有嘢都係上網學返嚟，包括點幫BB沖涼、坐月可以食啲咩，有咩湯水要煲。通常都煲鱸魚或鯇魚尾煲木瓜，當然唔少得拎外母養嘅愛心雞煲湯，每朝6點起身煮，輪流一煲魚一煲雞，老婆每日都有足夠湯水自然有助上奶。」Johnson仲大讚囡囡好旺自己，不停接隨外埠工作，等BB 兩個半月大就會帶埋老婆囡囡周圍飛做嘢，暫時已經有4個TRIP要去啦。