鄧麗欣高調公開向男友王子曬愛　路牌街名隱藏閃光彈勁高招

自從現年34歲的鄧麗欣（Stephy）早前公開承認同29歲的台灣歌手王子拍拖之後，原本一直將呢段戀情極低調處理的她，都忍唔住因為愛得甜蜜，而公開放閃，兩人透過在IG上的互動隔空傳情，真係好Sweet，粉絲同網民都留言話被兩人閃盲了。繼日前Stephy於IG post了一張日落靚女相，引來男友王子出冧招留言表示：「我只知道都很美」高調曬愛之後，呢日就輪到Stephy出招冧男友喇。

Stephy今次於IG post了一張紐約街道建築物靚相，亮點是相中的路牌上寫住「Prince St」，咪即係王子囉！Stephy留言表示：「天大地大，人來人往，彼此，走上了同一條道路上，不早不晚，不慌不忙，就在我抬頭的一剎那」嘩，她的留言配合埋個街名，相信大家都明白她想表達些甚麼啦，難怪粉絲同網民都話：「真係好閃呀！被閃盲了喇！」