雞排妹做小三？　被指撻著徐佳瑩前度李伯恩

愛情呢家嘢，真係令人睇唔透！以為唔少圈中女神多人追，大把選擇，但萬萬估唔到佢哋都會淪為做小三。台灣性感藝人雞排妹〈鄭家純〉日前就被雜誌影到同徐佳瑩前男友李伯恩兩度密會。二人唔止一齊去睇醫生，雞排妹更被爆出喺男方屋企獨處5小時。以為自稱單身年半嘅雞排妹今次終於有拖拍，但估唔到李伯恩原來已經有一個圈外女友，令雞排妹隨即背負住「小三」之名。

【雞排妹談領養】鄭家純與領養貓拍火辣照　網民：來生要做喵星人

緋聞一出，向來有話直說嘅雞排妹亦立即喺IG否認，一嚟仲即刻發火：「我的朋友跟別人牽手，我就變小三，那全天下女性有幾成是小三？」接住就解釋道：「四年前在電影劇組和伯恩認識而變朋友，偶爾去他工作室玩，借個器材用或看他最近的作品，他也會給我拍片剪片上的建議。」據雞排妹所言，二人只係普通朋友關係，一齊都只係研究下點拍片啫。

以為無乜說服力？雞排妹隨即自爆拍緊拖：「長期追蹤我的人都多少知道，我一直都有在約會談戀愛，也可以從我最近發的照片感受到。但伯恩一直沒有在約會對象名單裡出現過，報告完畢。」