陳少霞甜笑晒藍色巨鑽　與富商老公慶祝結婚兩周年

「雙兒」陳少霞喺2016再婚下嫁富商「法拉利之父」李文輝之後，一直過住闊太生活，閒時除咗打網球Keep下fit，間中亦會孖住老公一齊出席慈善活動，生活過得相當寫意。日前，陳少霞就喺微博透露同老公「二人世界」慶祝結婚兩周年，二人除咗舉杯暢飲，陳少霞戴中指嘅藍色巨鑽亦相當搶眼，應該價值不菲。

陳少霞出道當年被劉德華一手提拔，也曾在陳小春版的《鹿鼎記》飾演雙兒一角，受到觀眾喜愛。然而，1999年她毅然決定閃嫁澳洲富商華人並退出演藝圈。雖然婚後生活奢華，但是好景不長，2006年婚姻觸礁，她便獨自扛下兩個女兒的養育責任，為擔負家計，她亦曾重返娛樂圈，專攻內地市場。

在教會，陳少霞認識了李文輝後，二人一拍即合，在2016年7月拉埋天窗。當時陳少霞手戴6卡巨鑽出嫁，可見李文輝出手闊綽！有老公疼愛，陳少霞婚後依然亦Keep得唔錯，完全睇唔出就快42歲，難怪個個都話女人最緊要嫁得好！