余思霆想請馮盈盈做嘉賓 示範講廣東話發音超萌

上屆華姐冠軍余思霆最近加盟《深夜美食團》，她今日 (24日) 便和一眾主持現身餐廳宣傳，思霆更即席製作炒飯。「今次係我第一次炒飯，因為平時我好懶唔煮飯，最多就淥杯麵同煎蛋，有時寧願餓死自己都唔煮野食。」思霆說幸好有師傅幫忙，所以炒飯雖然炒燶，但起碼是食得嘅，「我見《美女廚房》成日有唔熟嘅野，我呢個炒飯起碼係熟嘅，應該......食得掛！」思霆搞笑表示。另外她更開名話要請馮盈盈上節目當嘉賓：「請佢上黎食飯，唔係請佢黎爆我大鑊。」事緣之前思霆早前上《後生仔傾下偈》爆馮盈盈大鑊，指她在自己面前脫衣服走來走去毫不顧忌，未知馮盈盈會否把握機會上《深夜美食團》「報復」呢？

思霆是第一次做主持，而節目已拍攝了幾個月，思霆的廣東話也進步不少：「我一開始望住分稿，有好多菜名都唔識讀，但而家可以讀曬出黎，記得一半菜名。」但她說自己仍有很多改善空間，做訪問時也聽得出她有頗明顯的口音。最搞笑的是思霆不懂讀兩隻中文字，而且經常搞亂它們的發音：就是「街」和「雞」！思霆示範讀這兩隻字時更配合身體語言，讀「雞」時手臂就扮拍翅膀，讀「街」時就故意將尾音拖得很長，生怕和「雞」的發音搞亂，真的十分可愛。