單文柔罕有社交網站「放閃」　網友笑陳展鵬衣著「老土」

單文柔與陳展鵬拍拖已經係眾所週知嘅事情，但二人拍拖至今甚少「放閃」，今日（23日）晚上單文柔就喺自己IG發放一張與陳展鵬合照，網民紛紛留言指好閃呀，當然亦都有網民關心二人會幾時結婚。至於二人會幾時結婚呢？仲係一個未知之數，而今年41歲嘅陳展鵬早前亦透露希望可以有屬於自己嘅小朋友，但佢表示暫時仲未有計劃過幾時結婚。但睇嚟今次展鵬批准女朋友社交網站放閃，莫非…佢哋好快會公佈…喜訊？不過可能係小編想多了。

陳展鵬除咗影視作品深愛大家留意之外，大家亦好關注佢嘅時裝品味，好似無論佢著乜類型嘅衫都好，大家都會有批評，今次亦唔例外，今晚呢一張相發佈後網民更指佢今日呢套衫邊個幫佢揀，「展鵬套衫好老套…邊個襯架」及「男朋友...條褲出晒事...」，如果陳展鵬要拆解呢一個時裝災難，佢應該要請番一個形象指導，咁就唔洗再怕大家對佢評頭品足。