【新舞林大會】迪麗熱巴自細練舞傷腰　節目圓夢：希望表演一次！

內地綜藝節目《新舞林大會》搵嚟鮮有參與綜藝嘅言承旭落場，再加上楊丞琳、汪東城、薛之謙、張靚穎等近十多位參賽者，係吸引嘅。不過，講到期待，就一定係零死角女神迪麗熱巴。其實熱巴喺未入行之前，就曾經學過6年多民族舞同芭蕾舞，之後更成為新疆歌舞團的舞蹈員，而之前佢亦不時在綜藝節目大騷舞技，並曾在跨年晚會上大跳《Despacito》。

節目日前首播，熱巴出場時就提到「身上有腰傷，所以挺遺憾的，希望在這裡表演一次。」其實熱巴因為小時候練舞未有好好保護腰部，導致有不少毛病，而去年在拍攝劇集《日月傳奇》時，因吊威也令舊患復發。熱巴於首集《新舞林大會》一時話自己係幫手編舞，一時話自己探班，但唔少粉絲都估熱巴下集將會以參賽者身份出場，由於節目規定參賽者需要在48小時間內完成編舞並上場，所以粉絲都好擔心熱巴的舊患，並指其經理人公司無人性，唔應該接《新舞林大會》，有不少留言都話「就不能讓她安靜的拍戲嗎？」、「只要看見她就好了，跳不跳舞也無所謂。」

而同樣係從小就習舞的楊丞琳，早年因蓋軟骨受傷、再加上唔想將興趣變成工作，所以曾一度封舞，今次加次《新舞林大會》，有網友指應該是酬勞不少，但楊丞琳就話「體力也嘗試到前所未有的崩盤，身體更是承受了極大的疼痛，精神壓力也沒一刻少過，但是我樂在其中，我很高興我沒有放棄舞蹈，果然我還是愛跳舞的」相信熱巴唔怕舊患復發跳舞，也是同一原因。

迪麗熱巴才剛完成電影《日月》同電視劇《一千零一夜》宣傳，隨即又出席代言活動，好仙氣呀。