劉心悠對旺角商場四樓買碟一頭霧水　吳卓羲：佢應該唔知咩嚟

吳卓羲13年的「警察」經驗，相信在業界中也算數一數二，上至O記、重案組，下至警察學堂畢業，大家可謂是「睇住大」。不過最近吳卓羲卻反行其道，自甘墮落成為一名旺角麻雀館的駐場「古惑仔」，實在令人唏噓。吳卓羲接受《香港01》訪問時說：「冇黑社會，又邊有警察做呢。」

吳卓羲續説：「細個時候志願同大個職業啱啱相反，當然我係暗戀佢（劉心悠）。」說的是吳卓羲在旺角街頭遇上了自己兒時的「女神」劉心悠，而劉心悠也與自己的OL夢相反，變成了一個女搬運工人。「大家都要為生活，所以我哋喺女人街撞到嘅時候，心態都唔同咗啦。」

吳卓羲談起兒時回憶，原來旺角帶給他很多美好片段。「細個成日嚟旺角，因為賣啲嘢比較平啲，細個又會覺得旺角啲嘢比較時尚，所以都會去睇下。（四樓嗰啲？）商場四樓嗰啲我有去嘅，但係我就只係去買遊戲機碟，正版嘅。」這時候劉心悠正用疑惑又深情的眼神看著他。吳卓羲：「佢應該唔知咩嚟。」

吳卓羲對心悠解釋説：「其實旺角有個好地道嘅地方叫『好乜商場』，佢入面就專門賣影碟，同時都有遊戲機碟賣，以前就有啲日劇韓劇碟，入面都有啲色情光碟賣嘅。商場入面，通常有個人喺電梯度嗌「四樓有邊個」咁嘅。我有好多國內或者外國朋友嚟到香港都必須要去呢個地方，因為佢哋想體驗下香港嘅文化，不過而家好似冇晒。」劉心悠問：「可唔可以講價㗎？」吳卓羲：「可以嘅，不過100蚊3隻你都唔講啦。」吳卓羲在「兒時暗戀對象」劉心悠堅稱「冇幫襯過」色情光碟店，真係一個「警察」好榜樣。