李綺雯做老闆賣「散水餅」稱送禮自用都宜：年宵已經賣咗6萬塊
撰文：林迅景
出版：更新：
《Big Big Channel》今日舉行一周年生日派對記者會，同時亦正式宣告「Big Big Shop」將會開張，正式「踩過界」做埋人哋瓣。雖然成功與否就還是未知之數，但店內商品著實是應有盡有，上至日常用品，下至汽車都有，就連上幾屆港姐馮盈盈都表示，自己睇中了一樣「又長又粗」的商品 - 港姐權杖。
其實出奇商品又點會少，另一邊廂人稱「𡃁妹」的李綺雯投資了小生意，在泰國清邁制造米餅放在「Big Big Shop」發售，更笑稱送禮自用兩相宜，可作「散水餅」之用。「本身我泰國嘅朋友佢屋企係做開蛋卷之類嘅零食，之後我哋就再喺佢廠嗰度做呢隻米餅，再喺泰國做埋包裝。我哋為咗增加生產線，我哋三個合伙人都每個人都投資咗6位數字。」
李綺雯表示，其實這款米餅早前已在香港年宵時「小試牛刀」，並總共賣了一萬包。問到是否打算從商棄影時，她回答說：「點解我會賣米餅，其實主要係因為我好鍾意食，同埋點解我咁有信心，主要因為我自己都食好多，同埋我呢次係特登整咗個同花研草説花茶嘅crossover，希望可以喺BigBigShop大展拳腳㗎。（有信心賺錢？）我唔係有信心賺錢，因為利潤又唔好高，但係起碼我有得自己食，哈哈。」
+1