【BB來了】范文雅曾經被情所傷：情緒受困，體重得番九十幾磅
撰文：吳子生
出版：更新：
無綫劇集《BB來了》已播了兩星期，觀眾讚不絕口，內容夠貼地，成功俘虜一眾視迷。在戲中范文雅是黃長興前度女友，為了拆散高海寧與黃長興之間的感情，不摘手段，更有一幕同黎諾懿在車內展現個人本錢，令觀眾眼前一亮，女神之名當之無愧。
原來現實中范文雅曾經被情所傷，還傷得很徹底，用了兩年時間先學懂放下。「記得喺讀書嘅時候，有個好穩定嘅初戀男朋友，身邊有個好姊妹大家都會約埋一齊去燒嘢食及聚會啊，試過有次同男朋友因為感情問題嘈交，我嗰個好姊妹主動幫我同男朋友傾下，其實原來佢係乘虛而入，離間我同男朋友之間嘅感情，導致我哋最終分手收場，呢段感情令我傷得徹底，因為一個係我最心愛嘅人，一個係我最信任嘅好姊妹，當時無法接受呢個現實，情緒受到困擾，開始無胃口食嘢，體重不斷下降至九十多磅，屋企人都好擔心，之後去睇醫生，隨著時間沖淡，最終都放低咗。」