【人生馬戲團】楊思琦唐文龍說法各異　事後有人被無綫高層照肺？

前港姐冠軍楊思琦今年推出首本寫真集，雖然書中的性感靚女相當搶眼球，但驚奇程度永遠不及她以文字重提拍攝劇集《人生馬戲團》時的遇襲事件。雖然思琦妹與事件另一位女主角鍾嘉欣的說法並非完全一致，但她們均指有兇徒手執圓月彎刀，令一眾翻煲事件的網友嘖嘖稱奇，笑指似足武俠小說，更有人問「乜唔係血滴子咩？」，創意無限。

【書展2018】楊思琦重提「人生馬戲團」遇襲內幕：當時我淨係識震

到底當時兇徒是否手執圓月彎刀？事件男主角唐文龍接受《香港01》訪問時謂：「都十幾年喇，佢哋（楊思琦、鍾嘉欣）話有圓月彎刀啫，我都唔知係唔係胡一刀都喺埋度！基本上我淨係見到啲長刀衝埋嚟，可能佢哋覺得把刀彎彎哋，所以覺得係圓月彎刀。不過我都唔能夠代表嘉欣同思琦妹佢哋嘅意見，我個角度淨係見到長刀。」

【人生馬戲團】遇襲事件楊思琦鍾嘉欣說法不一　13年後仍疑點重重

其實一路以來都有人指事件起因是唐文龍和陳浩民去玩時撩錯女，搞到得罪了「地頭蟲」，最後演變成有人找他們晦氣。不過，唐文龍受訪時就再次澄清自己並無玩出禍：「開工時間都好頻密，所以真係冇乜出去玩，同埋當時真係好熱！」他又指當時是有三架載滿刀手的客貨車：「先嚟一部，再嚟兩部車，總共好似三部車，係Van仔嚟，一開門就有刀有棍，衝過嚟，當然我哋就雞飛狗走，各散東西。」與思琦妹在書中提及的至少有五架客貨車有所不同。

至於兇徒的動機，唐文龍就指自己事後有了解過：「事件發生後我哋有問番卡啦OK負責人，佢話可能嗰日較早時間有班人嚟咗消費，對埋單價錢唔滿意，所以傾唔掂數就返轉頭搵人搞破壞，咁啱我哋喺正卡啦OK同搗亂分子中間，成為無辜受害者。如果真係要針對我同浩民，我哋老早就瞓咗醫院啦。」有傳事後無綫高層樂易玲和曾勵珍都分別「召見」他和陳浩民，更有指陳浩民跪地求請，問實情到底如何？唐文龍便立即封口：「唔記得啦，太耐喇！」