【BB來了】李佳芯盧宛茵細膩演繹創收視新高　小品劇打出一片天

2018年已經過咗一半，今年嘅收視戰起咗微妙變化，因應觀眾習慣改變，變成跨平台收視。但劇集得唔得民心，播出有無口碑，就真係要睇劇集能否引起共鳴啦。《BB來了》播出一個多星期，難得地引起近期少見嘅社交平台洗版熱潮，無論係已婚定未婚，生咗BB定諗緊生唔生一樣大讚貼地有共鳴，呢日更傳出收視報捷﹗

【BB來了】女強人忽然Bingo做媽媽 李佳芯忐忑心情網友讚有共鳴

有傳媒報導透露，《BB來了》首集收視有29.3點，有機會成為2018年度，首集最高收視嘅劇集，官方數字尚未正式出爐，但觀其口碑及討論程度，收視應該相當理想。其實晚上兩線黃金劇集時段，2018年開始至今共播出13套劇集，當中不乏大製作好似《溏心風暴3》、《天命》、《飛虎之潛行極戰》，但居然通通唔及小品家庭劇《BB來了》咁收視高開，一切源自共鳴兩個字。

【BB來了】李佳芯盧宛茵展婆媳大戰 新抱奶奶永遠睇對方唔順眼？

近年TVB好多劇集唔係警匪就係爭產，而且行政總裁李寶安早前亦表明，TVB已安排四分之一劇集合拍製作，但好多時劇情難以同時迎合香港及內地觀眾，而且播出時亦會受掣肘，好似《溏心風暴3》內地點擊破15億，但香港收視則每況愈下，而且爭產爭足十幾年，觀眾已經開始厭倦。

【BB來了】黎諾懿聞「媽媽谷」色變 李佳芯即Join真係港媽必入？

反觀近兩年受香港觀眾熱捧嘅都係小品劇集，《親親我好媽》、《三個女人一個因》到依家嘅《BB來了》，講嘅內容都係日常生活，發生喺你我身上嘅寫照。呢類小品劇集投資預算未必好多，好多時仲係俾編導小試牛刀之作，但因為題材夠貼地，容易令觀眾投入其中，亦非硬要堆砌金句或押韻，效果反而更為突出。

【BB來了】黎諾懿戲裡戲外都抵讚 絕世好爸爸湊小春雞親力親為

好似《BB來了》首集，女主角李佳芯一句：「你知唔知一個女仔有咗代表啲咩呀？係事業身材樣貌全部即時ALL IN呀﹗」成功令電視機前女觀眾齊齊爆喊；劇中婆媳糾紛就算自己好彩無經歷，類同案例都總有一個喺左近；仲有陳秀珠同Ali嘅母女情，雖然時有爭執但只因為愛，就連新手爸爸面對極大壓力都能夠顧及得到，難得獲大批觀眾追捧﹗20集啱啱先播到3分之1，相信收視仲有攀升空間。