戴祖儀不做律師投身音樂：父母初時都唔理解

提起戴祖儀（Joey），你會想起甚麼？這位年僅23歲的新晉女歌手剛剛簽約正式成為星夢期下歌手，只出道了15天。今天她出席道路安全活動時，便即場獻唱出道曲《未開始的故事》。「其實呢首歌就好似講緊我自己，由一張白紙開始，自己構思生命，但中途會有好多阻滯，所以要好似歌詞咁，『不可三心兩意  學會堅持』。我就係啱啱踏出第一步，開始我『未開始的故事』。」Joey 更邀請到洪永城擔任MV的男主角：「我同Tony之前拍《愛情沒有來的時候》認識，今次係佢第一次拍MV，所以佢一黎就話『還返個第一次俾我！』」因為兩人已經合作過，所以拍攝時也沒有覺得尷尬，Joey更大讚Tony十分有經驗。不過Joey在另一套劇《多功能老婆》中就沒有和Tony的對手戲，因為Joey是飾演一名幼稚園老師，負責教千嬅的兒子，反而和周柏豪會有少少感情戲。

Joey大學修讀法律，原本畢業後可以當律師，順風順水，但她卻反其道而行，選擇投身音樂界。難道真是「高分就是任性」？「其實一開始父母都唔理解，」Joey坦承，「點解有份專業、有條穩定嘅路唔行，要走去學人做歌手？不過我又諗，路係人行出黎家嘛，無論行邊條路都好，最緊要自己開心。所以我後來用行動去說服屋企人，音樂先係我最想做嘅野。」

不過，夢想雖然重要，卻未必可以當飯食。眾所周知，新人歌手薪金不會太高，Joey亦親身感受到甚麼叫捉襟見肘：「我捱左好多日麵包啦，人都瘦曬。」Joey同期畢業的同學都有份正職，但目前Joey最多只能養活自己，沒有能力給家用：「我都覺得好內疚，所以希望第時有能力俾到一個好啲嘅生活屋企人。」