【高凶浩劫】昆凌英文「嘞嘞聲」獲讚　周杰倫娶佢後英文進步神速

台灣天王周杰倫愛妻昆凌最近就為自己首部進軍荷李活嘅電影《高凶浩劫》（Skyscraper）四出宣傳。飾演女殺手嘅昆凌喺戲中除咗揸槍果陣凌厲嘅眼神同俐落身手令人眼前一亮之外，昆凌戲裡戲外「嘞嘞聲」嘅英文更加引嚟唔少網友讚嘆。

The Rock趁周杰倫唔喺度就出手？ 攬住人妻昆凌笑晒影台照

昆凌英文好其實一啲都唔出奇，皆因佢係半個鬼妹。昆凌爸爸係澳洲人，媽咪就係中韓混血兒，三國混血令佢唔止有亮麗嘅外表，亦有好高嘅語言天份。

雖然昆凌3歲果陣父母離咗婚，但昆凌一直都係跟着爸爸生活。昆凌爺爺更加係澳洲一所大學教授，喺當地好有聲望。而昆凌嘅媽咪雖然搬咗去韓國住，但是後來為咗照顧好昆凌，都特意搬返台北居住，陪昆凌讀書。

昆凌畢業於莊敬高職表演藝術科，雖然一度報考大學學力測驗但未被錄取。但都曾前往美國紐約電影學院洛杉磯分校短期進修電影製作同電影表演課程。

昆凌英文咁好，難怪周杰倫早前陪昆凌參加大陸嘅電影首映會之後，周杰倫以英文發文感謝荷里活大隻佬動作明星「The Rock」Dwayne Johnson 對老婆嘅照顧，英文水平簡直係進步神速呀!