【BB來了】楊卓娜為角色上堂學陪月 楊怡想生B一定幫到手
撰文：冼燕珊
出版：更新：
楊卓娜在劇集《BB來了》中飾演「金牌陪月」，因為手法專業，被網友大讚。卓娜在現實中的女兒已經9歲，坦言已經把湊B手法忘得七七八八，她說:「其實我當年生嘅時候都好好彩，屋企有兩個工人幫我湊，又有奶奶媽咪，我老公又有經驗，我成個坐月過程都好舒服。」
卓娜為了演好角色特地去上陪月班，所以在現實中她也可說是一名「坐月專家」，笑言好多朋友都問佢意見。妹妹楊怡自從與羅仲謙結婚之後，減少幕前工作，問到妹妹可有計劃生B，卓娜說:「佢覺得生B順其自然，無刻意追求，亦無話唔要，（如果有咗BB都唔驚，有妳幫手。）都係㗎，我覺得我依家都幾專業，係一個專業陪月，有好多資訊可以分享，（可以直接做阿怡陪月喎?）都OK㗎，哈哈！」