鄧佩儀短髮有運行　網友激讚似陳慧琳

因參選華姐而入行的鄧佩儀（Gloria），近年演出機會不斷，而去年更為《幕後玩家》而將一把長髮剪短，雖然評價一般，但都真係佩服，因為唔係個個女藝人都肯放棄長長秀髮。不過，唔知係未大家開始習慣Gloria嘅短髮，日前當佢上載新相時，除獲網民大讚瘦咗又靚咗之外，亦有留言指佢同陳慧琳以及陳凱琳有幾分相似。

其實Gloria入行時，一把長髮確係迷倒唔少人，2014年去巴西採訪世界盃時，就連哥倫比亞神射手占士洛迪古斯見到佢都要停低做訪問，之不過，Gloria變髮後，由乖乖女變為形女，拍劇機會不斷有，除於《 降魔的番外篇 - 首部曲》擔正之外，拍攝中的《鐵探》更有機會惠英紅、姜皓文合作。