陳瀅滑水唔著三點色原來有原因　爆好姐妹蔡思貝滑水走光

陳瀅，胡子彤周四（12日）出席尖沙咀名錶品牌發佈會。早前陳瀅忙於工作，難得可以放假，當然約埋三五知己齊齊出海玩啦。陳瀅話：「難得暫時未使開戲，緊係用盡呢個暑假時間，做多啲戶外活動啦，自己最近鐘意咗wakesurfing呢個運動，陳嘉寶老公Epaphras教我地，教完之後我地非常非常之鍾意，個種感覺同滑雪非常之相似，我自本身好喜歡滑雪，但夏天又滑唔到，所以滑水好似同一野咁，係水上個種感好正。」

陳瀅經常在IG放閃，唯獨不見三點式泳衣，一眾「粉絲」們甚為失望。陳瀅笑說：「其實點解滑水唔著三點式泳衣，其實係有原因，因為怕走光所以著one piece泳衣，著長衫因怕曬，話說有次蔡思貝試過著三點式去滑水，起水時，在不知情下走光，當時一刻我幫佢影緊相，旁邊何雁詩當時想話佢知走光，但在場有教練，如果大聲講，咪好似篤爆佢，嗰一刻冇講到，諗住佢會好快咁跌落水，點知佢好快學識企板，嗰一刻大家就勁尷尬，但Epaphars真係一個好專業嘅教練，當時教練好淡定話：『思貝隻腳行前少少，企直個人，搵返個平衡點，再整整個bra先。』嗰一刻大家笑死，我地笑原因唔係走光，而係教練講嘅時候好淡定好專業。」