譚校長撐衞志豪爆肌　五大猛男操fit實況任睇

新台Viu TV搵了幾位靚女打MMA，真正是「唔打得都睇得」，起碼贏了口碑，大台有見及此，即時籌備拍男子組格鬥賽，據講搵了打過擂台的崔建邦上陣，還有甚麼人腳上陣就未知，但大台有不少大隻猛男，可以讓高層慢慢揀蟀。

講到大隻型男，當然要數到港男出身的袁偉豪、翟威廉、李晉強及許家傑，他們不時將做GYM操肌相放上網公諸同好，而大台下周一的《一綫娛樂》，就會直擊幾位猛男在健身室操肌實況，當然不少得透露他們的爆肌心得。最令人意想不到是節目中，竟然有一向肥底，斯斯文文的衞志豪。

豪仔跟袁偉豪、翟威廉等大隻男比較，半點也不遜色，一班猛男齊齊赤裸上身，展示苦練成果，袁偉豪、翟威廉、李晉強及許家傑等四人各有賣點，花多眼亂，女士們當然可以大飽眼福，不過譚詠麟就率先撐同是明星足球隊成員的豪仔，讚他的努力絕對不會白費，要用明星足球隊的鬥志上場。