【Plan B】接世界盃棒提早出街　王宗堯勁Surprise：可以食住個勢

ViuTV劇集《Plan B》頂替另一套劇集《身後事務所》在世界盃完結後播出，令不少台前幕後及觀眾都非常驚喜。主角之一的王宗堯（Greg）亦坦言好突然又好期待：「我覺得可以食住世界盃個勢會多啲人睇。（都拍得辛苦？）拍得都趕，最辛苦係多動作嘢，同埋個Budget同以往嘅小品一樣咁多，所以大家都好搏命，好多嘢大家都係拍膊頭幫手。」他又指拍攝時亦有航拍拍攝主要取景地元朗，希望可以讓大家在煲劇時聞到「元朗味」。

【Plan B】陳啟泰10年後再拍劇　脫眼鏡演黑幫：呢個仲似我真人！

而同樣是主角之一的Cheronna（吳嘉熙）亦對安排甚為驚喜：「我角色同我真實性格好大分別，同江湖有所關連，我覺得好好玩，因為透過角色學識唔同嘢，同埋前輩、導演都教識我好多。（拍TVB辛苦啲？）拍《女人俱樂部》休息時間可能比較少，但係見到一大班女仔就好開心，拍《Plan B》就困難在了解個角色，要同導演傾得好多，仲有少少動作場面。」