【DSE放榜2018】衛詩雅寄語考生盡力就得：人生有好多其他重要事

衛詩雅 (Michelle) 今日 (10日) 出席運動品牌活動，除了示範服裝外，Michelle 更化身DJ打碟，「好彩我排係家樂後面，我聽到連佢有音樂底子都整得咁難聽，我就學識淨係放隻碟係到等佢自己播，其實我咩都無做過。」Michelle笑言自己沒甚麼音樂細胞，不過，她卻富運動細胞，早前有參加維港渡海泳的她說每天都會做運動：「我唔係成日做戶外運動，因為我皮膚特別容易曬黑，所以我會同爸爸媽媽三個人一齊係屋企做hardcore運動，我都幾堅持每日做半個鐘。」難怪Michelle能夠保持青春，身形fit到漏。

Michelle最近和華仔 (劉德華) 合作拍《掃毒2》，能夠和天王合作，Michelle說心情又興奮又期待：「佢 (華仔) 係我地嘅精神食糧，每當我地返夜班拍戲，拍到好攰嘅時候，一知道個晚同華仔一齊拍，就即刻精神為之一振。」

另外，明天就是DSE放榜，Michelle在學生時期是否也面對過學業上的壓力？「其實我媽媽好好，佢會將個波交返俾我，話『你盡咗力就得啦』，我覺得讀書固然重要，但人生有好多其他重要嘅事，唔需要將一件事放得咁大。」