【深宮計】大結局重點逐格睇　馬浚偉原來一早變魔君

無綫重頭劇《宮心計2深宮計》今晚（8日）播出第36集大結局，各人的最後命運終於一一呈現在觀眾眼前。劇中，陳煒飾演的太平公主雖然逼宮失敗，但因為太上皇李龍基保其性命，所以最後安然無恙，只是放逐出宮。不過，陳煒處處均是死路一條，所以中途折返回宮，唐玄宗馬浚偉讓她在兩個選擇中揀自己的死法，一生轟烈的陳煒即謂：「尚方斬馬劍係斬你呢種亂臣賊子，毒酒下肚會肝腸寸斷，同樣配唔上本宮，本宮已經準備白綾一束，無需陛下費心！」最後她懸樑自盡，死都死得靚過人。

一班觀眾都非常關心魔后胡定欣的下場，認為她連番出作損人利己之事搞到滿手鮮血，必定善惡到頭終有報，死於非命大快人心。不過，世事永遠不會如此開心圓滿。馬仔平定亂事後，即向定欣追究周秀娜、黃心穎之死的責任，指自己一早知道對方的種種惡行：「朕之所以唔一早將你治罪，除咗因為有公主呢個大敵當前，我唔會為佢製造把柄，但係更重要嘅係我唔想，亦唔敢相信，呢個連番作惡嘅人，就係同朕朝夕相伴，同衾共枕嘅皇后你！」

馬仔指定欣害死周秀娜腹中龍裔殺無赦，不過定欣就指自己殺不得，因為當年韋后派刺客殺馬仔，她以身作盾為對方擋一刀，更曬出自己的背上疤痕，令馬仔記起自己曾講出「我不亡你不死」之諾。為了信守承諾，馬仔答應命定欣一命，成全對方做皇后的理想：「朕就賜你一世為后！從今以後，你就一琴相伴，孤身獨處，冷宮之中，度過餘生，永遠做你嘅千秋皇后。」馬仔最後拋下一句「半世情滅，夫妻緣盡，此生此世，不復相見」後便拂袖而去。至於馬仔是否早已黑化變魔君？劇中亦有交代，而且更與劉心悠家姐謝芷倫有關！

點擊下圖睇魔君馬浚偉可恥惡行：