唐詩詠為好姊妹下廚好溫馨　田蕊妮趁機招親：好啱做老婆

三位TVB當家花旦，唐詩詠（Natalie）、田蕊妮（阿田）同黃翠如因拍戲而成為好姊妹，日前趁Natalie拍完新劇，三人終於有時間一聚，去阿田屋企大玩煮飯仔，Natalie在IG留言說：「我好少下廚，不過呢兩個我又咁愛，佢哋又咁想試我啲廚藝，咁我就唯有下廚益下佢哋啦。」

阿田包辦兩餸一湯，Natalie煮咗一味「唐氏滷水雞翼」，翠如就負責食，阿田同翠如都大讚Natalie廚藝一流，仲乘機幫佢招親：「唐詩詠煮嘅李X記鹵水雞翼真係好好食，佢真係好啱做老婆！有邊個想娶佢可以PM我！」睇嚟阿田都好緊張落單嘅Natalie，想佢早日搵到真命天子。Natalie被網民評為「絕世好女友」，但多年來情路坎坷，大家都好想佢搵返個好男人。