【後生仔傾吓偈】馮盈盈熟知安全套價格　唔通係資深用家？

馮盈盈主持《後生仔傾吓偈》愈來愈有功架，最新一集以「共享文化」為題，一班後生仔除了分享用得最多嘅交通、住宿經驗外，亦提出最期待出現的共享服務，當中包括衣物、首飾、電子遊戲，至於馮盈盈呢，佢就分別寫咗「shower、tissue、condom」，安全套到底點共享呢？身為「性博士」嘅馮盈盈就提出佢嘅理論。「我覺得呢個係一門生意，因為有時你plan好浪漫一夜，但又無喺身，咁真係好徬徨，而且每次買一盒成20個，會用唔晒。」講到呢度，有後生仔亦表示安全套真係好貴，更認為如果可以有共享服服的話，可以試到不同牌子。

馮盈盈聽完之後，就一副非常認同的口吻咁話：「我明白有時啲細盒裝有3個，3個買單價60蚊好貴！講抵就一定係買20個裝，但如果買20個用唔晒又唔啱形號點算……」作為一個求學時期已經有過萬用零用錢的女生，竟然會嫌安全套貴？！真係講都無人信，與此同時，身為主持嘅六號就提出咗一個問題:「點解你比男人更熟悉?!」馮盈盈聽完只能尷尬一笑。

逐格睇馮盈盈點講安全套