【體育世界】播映38年迎來終結 無線裁員解散體育組

【體育世界】播映38年迎來終結 無線裁員解散體育組
撰文:張嘉敏
出版:更新:

系人都知在香港做運動員揾唔到食,但估唔到就連做體育節目都不被重視,在裁員潮下會首當其衝成為犧牲品。日前已有報道指無線會進行大裁員以精簡人手,節省開支,而播足38年的長壽節目《體育世界》一班員工就無得留低,體育組全組由30人被裁剩5人!而最後一集的《體育世界》於本周播出後,呢個節目就正式迎來終結。

TVB嘅《體育世界》正式同大家講拜拜。
TVB嘅《體育世界》正式同大家講拜拜。

《體育世界》的facebook專頁亦出了post同大家交代返件事,重温一下昔日的集體回憶,最後提醒大家記得支持最後一集播出的節目,又叫大家幫手share呢個post。最搞笑是話:「有今生無來世,MyTVsuper無得重温㗎」,真系想再睇都無㗎喇,臨尾就多謝大家一路的陪伴。而該組的一些前線員工也有於IG開post留言講感受,又上載了一組人以前的開心合照來留念。

佢哋個Facebook專頁有出post講返呢個消息。(網上圖片)
佢哋個Facebook專頁有出post講返呢個消息。(網上圖片)

《體育世界》facebook post詳情內容如下:

(請分享到你的FACEBOOK,陪著我們走到最後)歡迎歡迎!歡迎收睇【體育世界】!今日比較冷清d,得小編為大家主持

當個個都成日以為【體育世界】好耐之前就無咗,其實我哋仍然默默存在。但嚟到今集【體育世界】,我哋真系正式大結局啦!仲記唔記得我哋個首比「綠袖子」仲入腦嘅主題曲呀?仲記唔記得細個嘅時候,一到周末就會坐系電視機面前睇住【體育世界】?少年,你已經不再年輕了。

哎!傷心事唔講咁多!又暴露年齡今集嚟到最後一集,話咁快嚟到尾聲,到咗最後嘅無獎問答遊戲時間,問題系:請列出最後一集體育世界中,最後出現嘅歷代主持名字。(提示:片尾有彩蛋)

喂!系今日(7月7日)中午12點TVB【體育世界】呀!聽聞片尾仲有彩蛋架!有今生無來世,MyTVsuper無得重温架,快d叫醒你個fd一齊睇啦!

p.s. 小編最後嘅小小請求,希望大家能夠share呢個post,系最後嘅最後有更多嘅人陪伴節目走到最後一刻。感激!

#系彩蛋唔系流彈#雕 #喂繫個畫面有聲咋 #音樂嚟架咪諗錯隔離 #直線又好曲線又好射得中咪得囉 #維護香港體壇發展嘅重要任務要交番畀各位啦#我完成咗劃時代意義嘅重要歷史性任務啦#工已收#請開啟你的電視機#來讓我們笑著欣賞這結局 #UNOFFICAL要講明 #後會有期

有體育組員工於IG出post分享感受。(IG圖片)
體育組全組由30人被裁剩5人。(IG圖片)
有體育組員工於IG出post分享感受。(IG圖片)
正在加載