【詭探前傳】陶大宇招牌掩面有傳人　場面搞笑到秋官嗌「哎呀」

新劇《詭探前傳》今日在西環舉行開鏡拜神儀式，除了有首次加盟ViuTV拍劇的「秋官」鄭少秋和陶大宇有份出席外，江若琳、郭偉亮、麥子樂、陳安立和游學修等演員亦有亮相。

秋官和大宇曾在經典劇集《大時代》飾演父子，今次相隔25年再度合作，兩人均表現得非常興奮，其中秋官便大讚大宇沒有變過，一樣靚仔，而大宇讚完秋官零脂肪後則大爆當年拍《大時代》時，秋官從未發火鬧人：「當年我哋好曳，不過老竇冇鬧過我哋，佢唔會好勞氣，淨係同我哋講話俾返個尾句佢接就得啦，好語重心長。」

提到今次兩人在戲中是敵對關係，大宇即爆今次是與秋官爭仔：「有個年輕人好旺老竇（秋官），佢又救過我一命，所以我哋都想收佢做徒弟。」又笑指角色朝早是中醫，夜晚做大佬，要打打殺殺。

問會否搵同樣是秋官「囝囝」的《詭探》男主角邵仲衡客串？兩人都好想與他合作，大宇更笑謂：「雖然佢個人唔喺度，但精神永遠存在。」至於在《詭探前傳》飾演秋官女兒的江若琳，則指自己在戲中有過半時間要好憎對方，加上對方是神級演員，所以要做足功課。