【港姐2018多圖】23歲潛水教練Honey勁陽光 完美演繹健康性感美
撰文：張嘉敏
出版：更新：
無綫的《2018香港小姐競選》今日進行首輪面試，呢個一年一度的選美盛事今年一樣吸引到好多女仔參加，其中一位名叫Honey Ho的靚女就相當Sharp醒，身穿一襲棗紅色連身吊帶短裙的她擁有一身蜜糖健康膚色，成個感覺好陽光好有活力，仲有些似2016年港姐亞軍劉穎鏇 (Tiffany)。Honey透露自己現年23歲，任職潛水教練，難怪身材會咁Fit啦。至於對入圍可有信心，她表示：「OK嘅。」
首輪面試已經有泳裝環節，不過Honey就完全不擔心，也沒有刻意唔食早餐來面試，她說：「今朝有食咗少少嘢，自己有做開運動，OK嘅。」而Honey的IG就有好多她的靚相，唔知係咪同她任職潛水教練有關，入面有大量的水着靚相，全部都是比堅尼Look，完美演繹了咩係健康的性感，身材真係無可挑剔。
下面仲有好多Honey嘅水着靚相㗎：
+14