【幸福三重奏】小產後繼續工作　大S迫問老公：有沒有後悔娶到我

大S今年4月承認自己懷第三胎，可惜一個月後她透過聲明表示因為胚胎發育不全而導致流產，閉關小休後，大S隨即又再投入工作，當中包括佢同老公汪小菲一齊參演的內地真人騷《幸福三重奏》，節目日前播出第一集，汪小菲指同大S結婚8年，但自從有小朋友之後，老婆將重心放在小孩上，犧牲了很多，而佢哋亦差不多有四年半未有享受過二人世界。

節目中，未知是否因為剛經歷了流產，所以大S顯得十分柔弱，更不時對老公撒嬌，跟她平日在節目上強悍形象差距甚遠。不過，最好笑係大S汪小菲拜訪完另一對夫婦江宏傑（小傑）同福原愛（小愛）後，見到對方正在煮午餐，大S問老公要唔要「煮東西給你食」，汪小菲雖然好肚餓但就堅持唔使，似乎對老婆的廚藝有所保留，其後，福原愛為二人準備了便當，大S邊食邊問：「你有沒有很後悔娶到我？」汪小菲即時保持沉默，然後才小心奕奕咁話：「大家都挺好的。」再過一陣，汪小菲似乎知道老婆的用意，於是就話：「「就因為這個……因為炒菜？」答成咁，大S當然唔滿意，所以用英文表示：「So what do you mean？」結果又換來了一片沉默。雖然汪小菲想借節目同老婆多啲相處，例如佢出去花園曬太陽時，都有特意叫大s一齊，可惜換來一句「太陽很曬」。

汪小菲解釋大S在節目顯得脆弱敏感，係因為剛歷經小產之痛，仲話：「這個節目讓我們迅速的從難過中走了出來，單獨相處去珍惜彼此的獨處時間。做女人不易，做媽媽更不易…做一個北京直男的老婆更不易。」