黎明停工兩個月湊女首現身　心情大靚分享人生觀

自從榮升做爸爸之後，黎明已經有好幾個月未有現身公開埸合，忙於湊女嘅今日以年金宣傳大使身份出席「香港年金計劃啟動禮」，並以西裝外套襯牛仔褲，睇落十分精神。雖然黎明在活動上未有接受傳媒訪問，但佢在台上就分享到人生觀。「由拍攝廣告到現在，人生有不同感受，人是生命，每個人生命有不同過程，可能小朋友笑哥哥怪、笑老人家老，現在自己長大就知小朋友笑我們，不過上天賦予大家的外形不重要，最重要思想，思想可以找對知己、朋友，做自己開心、令人開心的事就足夠。」

之後黎明又指父母因在小時候已離婚，所以印象中未曾影過全家福「我本人講究感覺，覺得中秋節，20度天氣，一齊坐磚頭屋吃東西已經好開心、好溫馨，但拍短片時，背後有40人圍住監視，好難幻想到個感覺。」司儀的車淑梅問他是否享受一家人相處？黎明就話：「與其享受，不如自己去尋找同珍惜。」黎明落台前，聽到車淑梅講恭喜，佢就即時笑晒咁話「多謝。」離場時，黎明遇到有小朋友要求合照，父愛泛濫的他即應承影照。