【多圖】37歲甄詠珊加入寫真戰團　重本赴歐洲拍攝再搵郭晉安寫序

繼楊思琦、沙律（張沛樂）、岡李那等人宣佈將於書展推出寫真後，年初憑劇集《果欄中的江湖大嫂》跑出的甄詠珊，亦都加入呢個戰團。除走訪西班牙、法國、巴塞隆拿、英國倫敦及上海等地取景之外，更找來葉青霖的門生之一金永峯擔任攝影師操刀拍攝，製作都幾認真，而書中的序，甄詠珊就找來偶像郭晉安以及岑麗香幫忙，二人大忙人一口答應，令甄詠珊十分感動。

話晒都係第一次出寫真，單係造型就已經有幾十個，由三點式到型格內衣乜都有，甄詠珊表示：「其實一直好想把呢幾輯歐洲既相集結成書，等大家睇到我一直以嚟蛻變，所以今次書命叫CHANGE, 係希望大家睇到不同嘅我。」