【天命】張國強演乾隆爆seed　入行40年曾經係靚仔小生

張國強於無綫新劇《天命》飾演晚年「乾隆」，雖然只係客串四集，但無論係質疑嘉慶落毒，抑或對和坤的愛與恨都非常到位，獲不少網民讚賞。
 

人稱KK的張國強入行40多年，不過本身足球運動員的他之所以入行，全因貪玩去試鏡，結果一擊即中，於76年以單元劇《無花果》出道。KK參演過不少劇集，亦係《430穿梭機》的第一代主持，之不過，講到他的經典，就一定非《天龍八部》的「慕容復」莫屬，他將角色的奸狠發揮得淋漓盡致，令江湖中人無不忌諱三分，及後因復國屢屢受挫而心智失常，均令觀眾留下深刻印象。

無綫曾於82年及97年開拍《天龍八部》，而慕容復一角分別由石修同張國強飾演，兩位雖然都係好戲之人，但觀眾至今似乎都較為喜愛KK版本的慕容復，相信是因為他完全將金庸筆下的慕容復「面如冠玉，文武雙全」註釋。《天命》播出後，唔少網民都笑指KK由宋朝熬到清朝、由慕容復升格做皇帝的過程十分勵志。