【深宮計】劉心悠講對白發錯音誤成粗口：我會苦練廣東話
撰文：吳子生
出版：更新：
無綫重頭劇《宮心計2深宮計》將於7月8日大結局，劉心悠第一次拍攝TVB劇集，就帶領該劇集一路長紅，更為觀眾帶來新鮮感。心悠回應說：「第一次接拍TVB咁長嘅廣東劇集，又可以同TVB一班好勁嘅演員合作，自知自己有好多進步空間，好開心有人支持元玥呢個角色。」
參演廣東話劇集，對心悠最大挑戰就是講對白，好多時候因為發音不準，發音成粗口，「我試過講對白時會口快快發錯音，經常畀阿蕭（蕭正楠）笑我，當時我未察覺到有問題，係工作人員話我知，我講嗰句係粗口，為咗日後能夠拍劇時唔再發錯音，我開始苦練廣東話。」心悠又唔使太介意發音唔標準，因為都有網民喜歡你這種帶有台式鄉音廣東話。