【深宮計】太醫學徒林子超孖魔后胡定欣毒害後宮　為上位欺師滅祖

飾演皇后的胡定欣在劇集《宮心計2深宮計》裏面愈來愈毒辣，前晚（26日）一集中更出陰招誣陷將軍任三恕（馬國明飾）和昭儀鄭純熙（周秀娜飾）有染，打算令女方失去唐玄宗（馬浚偉飾）寵愛！為了令馬國明中計入浴室，胡定欣和奸到出汁的太醫袁文傑便安排「宮女」大叫有刺客，而這個「宮女」原來是曾經演過花旦的太醫學徒陳茗風（林子超飾），這樣龍武軍一定找不到這個「宮女」作證，堅絕！

不要以為林子超（Andy）只是一隻普通棋子，其實他心腸不知幾歹毒！劇情到第30集，想出人頭地的Andy更落藥毒害其恩師袁文傑，簡直是喪盡天良，之後亦有不少惡行，的確值得留意。不過，戲外的Andy卻是人畜無害，不但擁有招牌大板牙和親切笑容，更成身都是弗爆肌肉。Andy接受《香港01》訪問時便指自己為更多演出機會而用了9個月的時間變大隻仔：「之前我從來冇大隻過，最近為咗睇落實淨啲，成個月都冇食澱粉質。」

講到Andy與無綫並無合約，問首次拍劇的他為何能夠參與《深宮計》這套重頭劇？他坦言原因有點老套：「因為我喺前公司（Now TV）做主持，咁啱小青姐同家豪哥喺同一間公司做，機緣巧合下佢哋嘅發布會都係我做採訪，令到佢哋都認到我呢個小朋友，可能見到我表情好豐富、誇張，所以留下咗個印象，加上我喺電台有開咪，辦公室喺正佢樓下。咁啱《深宮計》其中一個導演同我共事過，所以就諗起搵我做呢個角色。」