林燕妮喪禮縈繞Chanel No.5　鄭秀文改行程送別：將來天家再見

香港一代才女林燕妮上月31日因為肺癌，在養和醫院離世，享年75歲，昨日（27日）舉行喪禮，林的獨生子李凱豪為母奔喪，八位好友為林燕妮扶靈，包括連炎輝、倫永亮、高文安、陳淑芬、周群歡、Renee Ting、Maggie Wong及Joyce Tang。一眾圈中好友亦有到靈堂致祭，包括與林燕妮私交甚篤的鄭秀文(Sammi)、馬浚偉、雷頌德（Mark）、倫永亮、陶傑及鄭明明等。

Sammi原本因要到台灣拍MV而差點錯過林燕妮的喪禮，幸好在公司的安排下，昨早趕回香港送別好友，她送給林燕妮的花牌寫着：「Rest in heaven. God loves you」。Sammi離開殯儀館時，雙眼通紅，接受傳媒訪問，表示幸好趕得切回港見好友最後一面，並說她的遺容很安詳，談起與林燕妮過去相處的點滴，Sammi百般滋味：「好多，我哋嘅相處，好多好深，全部在心中，（會唔會見完林燕妮更加唔捨得？）唔會，我相信我哋會喺天家再見。」

馬浚偉跟林燕妮相識逾20年，雙方感情好深厚，近兩年雖然甚少見面，但感恩能於對方最後的時間到其家中探望，他說最難忘是林燕妮教識他禮儀：「佢教識我好多嘢，特別係禮儀，男仔要點、食飯要點，佢真係好可愛，同埋佢話好鍾意我着黑色西裝，所以我今日着黑色西裝嚟。咁多年來，我都叫佢做貴族，佢就叫我做浚偉，因為佢喺一個好儒雅、好靚嘅女性美人，同時又有剛強嘅性格，係女中豪傑。」

Mark與林燕妮獨子李凱豪是好朋友，所以小時候常常到訪林燕妮家，與馬仔一樣，Mark從林燕妮身上獲益良多，更直言林是他在藝術方面的啟蒙者：「佢教咗我很多藝術上嘅嘢，做人方面都教識我好多。」

林燕妮生前既貪靚又浪漫，靈堂佈置清麗高雅，滿室瀰漫着她最愛的Chanel No.5香水。林燕妮的生前好友「金庸」查良鏞與太太、劉德華、黎明、陳可辛與吳君如、陳潔靈、蘇永康、劉培基等送上花牌悼念，靈堂變成一片花海，相信她會很滿意這樣浪漫的佈置。