【多功能老婆‧有片】楊千嬅再拍大台劇有因：有足夠休息兼似拍戲

一聽到《多功能老婆》這個名字，相信大家都想像得到這將是關於人妻的故事，而這套電視劇的劇本核心主題更是楊千嬅願意接拍這套電視劇的原因：「其實社會上好多女性，成為媽媽之後，無論佢係全職太太定係在職媽媽，都會遇到好多朋友或者家庭上的問題，我好想提供到一啲正能量，幫佢哋加油打氣。」

以往千嬅於音樂及電影上的作品亦有向女性傳達正能量訊息，為何這次會決定以電視劇的認識傳遞正能量？千嬅表示：「我覺得今次拍劇陣容有實力，音樂同電影係細節上未必比得上一套25集嘅電視劇，今次係一個比較詳細，層次比較豐富嘅角色。」

不過相隔上一次拍大台劇已是17年前，未知千嬅會否感到不適應呢？千嬅則認為不是問題：「今次套電視劇會以一個同電影相似方式去拍，而且有足夠休息時間，都唔會覺得好辛苦，反而電視劇劇本上同電影分別真係大啲，始終時間上長咗，角色層次上都多好多。」

問到千嬅眼中的多功能老婆是怎樣的，千嬅回應：「我眼中嘅多功能老婆會係一個以人為本既人，例如交際上朋友為先，家庭中老公兒子為先，永遠自己都放第二位。」