【天命】杜燕歌係清朝皇族後裔　演皇帝最正宗：我媽媽係正黃旗

《天命》劇情講述和珅死前28日與嘉慶皇帝之間的權鬥，而權鬥之中，第一位「犧牲者」就是與和珅（陳展鵬飾）作對的章佳．阿桂將軍（杜燕歌飾）。唔講唔知，原來杜燕歌（人稱杜大哥）才是整部劇集演員之中，最有資格飾演皇帝的。無他，因為杜燕歌擁有淸朝的皇族血統。杜燕歌接受《香港01》訪問時說：「係真嘅，我媽媽係正黃旗，爸爸係廣州人。」

杜燕歌：「我媽媽叫做『瓜爾佳氏』，係老姓嚟嘅。遠古時代係跟住努爾哈赤（清朝初代皇帝）打江山嘅五大家族之一，同皇帝係最近嘅。後來入京之後，先改返姓『關』。」不過，杜燕歌對於自己的身份就非常輕描淡寫的説：「好小事啫，我知香港有好多皇族血統。（有冇約埋聚會？）冇啦，散晒啦。」

不過，杜燕歌表示，自己每隔一段時間就返回出生地北京與親戚相聚。說起皇家生活的集俗，原來皇族家庭的生活，就正如大家電視上看到的一樣，也是非常多規距。「以前細個，去大舅或者老爺屋企就好多規距嘅。咁我哋細路哥唔知，就會周圍走。嗰時就覺得，返屋企點解要成日換拖鞋呢？仲要換幾次拖鞋著，入門口換一次、去洗手間換一次、去廚房又換、去睡房又換，原來去唔同地方要換唔同嘅鞋，唔可以踩到亂晒籠。」