【天命】與陳展鵬僅相距11年演父子 何廣沛：不停被大巴大巴打
撰文：翁漢瓏
出版：更新：
《天命》正式開播，各位演員陸續亮相，何廣沛與陳展鵬在劇中飾演和珅與豐神殷德兩父子，算是一大亮點。
根據史實，和珅終年50歲，其子當時只有24歲，而事實上陳展鵬是41歲，何廣沛8月將30歲，兩人年齡只相差十一年，拍劇嘅時候會否很難入戲呢？何廣沛回答：「都唔會，一來展鵬做戲好好，二來造型上佢都加咗兩撇鬍鬚，成功喺年齡上拉開距離，都唔會話好難合作做戲。」
佢又透露每次同陳展鵬演對手戲張力都好大：「幾乎次次都要俾人摑不特止，每一幕都講求一氣呵成，要不停俾人大巴大巴打。好在嗰個時候大家都入咗戲，只係會諗和珅幾咁乞人憎，拍戲過程都唔會打出真火。」
不過，外貌年輕的何廣沛其實8月就30歲，又會否覺得自己已經不太適合這類年紀較輕的角色呢？何廣沛反而認為角色的成熟程度並不能夠由年齡去反映：「就好似今次佢呢個角色，其實佢係我有史以來做過最成熟嘅角色，今次我唔再係某人嘅細佬，劇情上甚至有一個仔添，故事更加唔止談情說愛咁簡單，雖然和珅個仔只係24歲，但已經官任二品大員，希望觀眾可以由呢個角色睇到另一個我啦。」