鄭秀文重提抑鬱經歷　無法分辨餓與飽：大家瞓覺我就食嘢！

鄭秀文（Sammi）今日（24日）出席慈善活動，曾經飽受抑鬱症困擾的她，一隻身體力行呼籲大家關注情緒健康。Sammi身穿「PORTS 1961」2018春夏成衣系列黃色襯衣，搭配格仔闊腿褲亮相活動，還現場試整蝴蝶酥，為情緒復健者帶去關懷。

今次的活動，令Sammi不禁想起自己患病期間，好似喪失了分辨飽同餓的能力，一起身百無聊賴就開始吃東西，尤其喜歡夜晚出去吃：「一天黑，大家瞓晒覺，我就出去廚房食嘢喇，嗰陣時我覺得係有心理嘅某種病質喺度，好似將所有嘅情緒都寄情於食囉，咁但係如果你問我，食完係咪特別開心，我又唔係喎，因為知道自己食得太多啦，但係當時又控制唔到。」幸好Sammi及時制止自己，面對自己的肥胖，她便開始跑步，在2007開始，堅持每日跑8公里，認真有毅力。

Sammi入廚　齋煮唔會食

其實Sammi時常會在社交平台分享自己煮的食物，不過她自己就不會吃：「因為我煮啲嘢好肥，我鍾意整啲東坡肉，燉排骨嗰啲全部都好肥，咁我自己好少食囉。」Sammi表示自己偶爾會煮食物給朋友，但就不可以日日都在廚房，她透露朋友最喜歡吃她煮的台灣滷肉飯，因為自己查閱了好多食譜，嘗試過好多次：「我記得有一次公司有個同事，唔知食咗3、4碗飯，好激動，話好好食，我幾開心，簡直想成兜畀佢食晒。」Sammi笑言都有動力再進修下廚藝，不過不知道要找哪位師傅從師，所以都是在YouTube上學習。

談到新戲《花椒之味》，任賢齊將會客串一角，Sammi說電影開鏡後見到小齊時，他已經開始增肥，過了一個月再見到對方時，增肥效果顯著，Sammi說，她很驚訝，笑言不知道如果近排再見到小齊，自己會不會嚇到排牙都跌出來：「我覺得佢付出好多，我都好衷心希望佢呢一部戲可以有好嘅成績，因為好Deserve囉。」

如果Sammi遇到這樣一個角色，她直言自己都願意嘗試，不過要看增幾多磅，但是就怎麼都好過黏膠水：「《瘦身男女》要黏面，黏膠水，而家嚟講我寧願增肥，（寧願增肥都唔想黏？）係呀，我要保護啲皮膚。」演員有時真的要為角色付出好多。