王卓淇兩度成動漫節女神　原來現實都係重度宅女

王卓淇（Erin)上年化身「動漫女神」為動漫節宣傳，今年再變身「電玩女神」GodLike girls宣傳動漫電玩節，背後到底有咩原因？原來Erin喺現實生活當中都係一位重度宅女，佢自己都話：「我都覺得自己實在太宅，有時係屋企打機煲劇追下星，睇下漫畫咁又一日，我真係可以幾日都唔出街！」問到佢平時打開咩機，佢就透露：「呢排我最鍾意玩嘅遊戲就係PS4平台嘅《龍如》，仲有手機平台嘅《皇者榮耀》。」唔講唔知Erin原來都啱打機，而且佢玩開嘅遊戲都幾「男仔」下，不愧係宅男女神！除咗打機，原來Erin私底下都係一個Wannable (韓國人氣國民男團Wanna One 粉絲嘅稱號），仲話：「真係好鍾意佢哋，嚟緊佢哋喺香港嘅兩場演唱會我都有買飛，好期待到時可以見到佢哋！」