李君妍成TVB「親生女」：上年已經叫我簽約　

李君妍三月尾時候成為TVB「親生女」。（賴家傑攝）

動漫節記者會上有一位TVB動漫大使-亦都系Godlike Girls之一，佢叫李君妍，大家可能都會時常系TVB劇集見到佢，但又叫唔出佢叫咩名，而最近佢終於成為TVB「親生女」，簽約成為旗下藝人，雖然以往佢都有喺TVB拍劇，但始終唔系「親生女」，機會都未必有其他人咁多，3月尾時候終於簽約，對於君妍嚟講無疑係十分高興嘅事情，「其實都唔系第一次叫我簽，上年時候已經有叫過，連續兩年都有問我，咁自己覺得可能佢哋真系睇到我有進步，睇到我有能力，咁就叫我簽約，對我嚟講都好大肯定。」

簽約後會唔會多咗好多發展機會呢？君妍表示其實仲未知道：「因為之前未簽約時候都拍緊公司劇，所以宜家有一個轉折位，仲未知道。」所以宜家君妍暫時處於未知道嘅情況下工作，不過佢都講到公司都唔會好確實同自己講會有一套大劇，妳做女二啦咁樣，對未來佢自己都唔太肯定。