陳展鵬指《天命》貼近史實 和珅文武全才鮮無人知：佢係識功夫！
撰文：林迅景
出版：更新：
《天命》將於下周一（6月25日）緊接《飛虎之潛行極戰》首播，劇集主要講述和珅（陳展鵬飾）死前的28日之中與嘉慶帝（譚俊彥飾）的鬥智鬥力。陳展鵬今日出席記者會後，接受《香港01》訪問時說，他為拍攝這套劇而要睇書「補底」：「監製其實都畀咗好多書我睇，同埋網絡上面其實已好多資料，有正史有野史，所以我哋開緊工嘅時候已經睇咗好多。」
可能有很多人會將新版《天命》裏陳展鵬飾演的和珅，與內地版《鐵齒銅牙紀曉嵐》王剛飾演的和珅比較，但兩者比較起來有甚麼不同呢？陳展鵬認為是正劇和喜劇之別：「大家印象中嘅和珅係喺一啲喜劇（《鐵》）入面，佢將一啲歪理變成道理，其實喺宮廷入面，佢係一人之下萬人之上，壓力可以有幾大呢？其他官員對佢係點呢？呢個《天命》並唔係喜劇囉，所以我覺得呢個劇可以畀人睇到和珅多啲嘢。」
陳展鵬又指，《天命》裏的和珅比較貼近史實，更懂得武功。「和珅除咗用把口打交之外，亦都真係有功夫嘅，我諗好多人都唔知和珅身手好了得，所以希望喺入面都話畀人知，因為佢文武相全又精通唔同語言，同埋冇人留意到原著嘅和珅耐人尋味嘅地方係邊，希望今次可以呈現到出嚟。」
【天命】譚俊彥棄內地拍劇「搵人仔」：希望自己小朋友喺香港長大