【世界盃】法國隊最靚仔球星基沙文　每次入波都要「打電話」

世界盃第二輪踢得如火如荼，今晚(21日)11點就會上演法國對秘魯。法國隊陣容鼎盛，如基奧特（Olivier Giroud）、普巴（Paul Pogba）、基沙文（Antoine Griezmann）等球星壓陣。有不少球迷認為法國隊上場踢得不好，雖然首戰澳洲贏2：1，但只屬僥倖勝出，希望今晚法國隊能踢出水準。

論球技，法國必定高秘魯幾班，論外型，法國一定冇得輸。今次要介紹的靚仔球員，就是效力西班牙馬德里體育會的基沙文（Antoine Griezmann）。這位前鋒曾入選過世界足球先生最後三強，跟C朗（Cristiano Ronaldo）及美斯（Lionel Messi）爭奪名銜，連美斯都開口大讚基沙文好波。

基沙文擁有典型法國靚仔特徵，棕髮、粗眉、藍眼睛，無論留長髮或短髮都一樣咁有型，加上充滿稚氣的笑容，令所有女球迷母性大發。雖然基沙文身高較為輸蝕，只有1米75，但其迷人的藍眼睛，絕對能俘虜女球迷的心，尤其係港女們襯埋去都唔會身高差太遠，一流！。

另外，值得留意的是，基沙文每次入球都會做出「打電話」手勢來慶祝。據外國傳媒《太陽報》（The Sun）報導，基沙文受訪時透露自己鍾情於Hip Hop音樂，而這個手勢的靈感源於加拿大歌手Drake的hit爆歌曲《Hotline Bling》MV中的舞蹈。