龔慈恩女林愷鈴學業為重唔拍拖　最欣賞男仔似黃子華

藝人龔慈恩女兒林愷鈴（Ashley）今日盛裝出席時尚活動。剛考完公開試嘅Ashley，表示無浪費假期，每日都過得好充實，「近排趁暑假好好裝備自己，學吓演戲，仲有呢排都狂睇書，中英文書都有，偏向文學方面嘅書，英文方面我睇得最多嘅係Jane Austen，中文方面就睇張愛玲，嘩，覺得好震撼。」

Ashley今年18歲，好多呢個年紀嘅女仔都開始睇張愛玲同Jane Austen，但估唔到依家呢個世代嘅妹妹仔都係睇張愛玲。Ashley話佢未拍過拖，難怪張愛玲的文字會令佢覺得震撼，問到會唔會都憧憬來一場校園puppy love，Ashley就話目前都係以學業為重：「我係一個day dreamer，份人好浪漫，但都想以學業為主，因為我知道自己好容易分心。」不過為人浪漫的Ashley，都話感情事聽天命，「睇吓上天覺得幾時就幾時啦，（邊啲男仔特別吸引妳?）聰明，（類似黃子華嗰種?）嘩，佢真係特別聰明，係另一個層次嘅人，真係非常欣賞佢。」