【深宮計】劉心悠面對背叛唔會嬲：體諒別人立場
撰文：冼燕珊
出版：更新：
最近心悠有份主演的《宮心計2深宮計》，她飾演的元玥被曾經推心置腹的皇后王蓁（胡定欣飾）陷害，問到心悠在現實中可有也有類似經歷，性格樂觀嘅心悠對於「背叛」行為有一番獨特見解:「我唔會覺得人哋害我，我覺得每個人都有佢嘅立場，壞人永遠唔會覺得自己壞，好人都唔使楚楚可憐，我覺得盡量去體諒其他人。」
劉心悠今日出席香港老字號餅家80周年啟動禮，心悠一入行就做該餅家嫁喜禮餅系列代言人，但已屆37歲的她卻未有著落，心悠笑言自己係代表一個待嫁嘅心情，嫁咗人反而唔適合（你又啱喎!）。心悠坦言雖然目前仍然單身，但依然憧憬嫁人，「我好鐘意簡單，自己身邊好Close嘅人，同我一齊分享喜悅就夠。」
心悠作為一個公認嘅靚女，但卻一直單身，令大家都忍唔住為佢著急，但心悠自己對於感情事卻好樂觀，「我覺得時候未到姐，屋企人都唔催了，佢哋好支持我嘅工作同我嘅選擇。（會唔會覺得社會好標籤女性一定要幾歲就結婚?）我都覺得呢個係一個框框，我覺得做返自己就得，好多人一過適婚年齡就好驚，我就無所謂。」